لساك صغير
ده كان كلامك كل ما نعيش مشكله
ورد كان فى الأصل سد
لأى فكره ممكنه
لساك صغير
حروف بجد كرهتها
ده لأنهاحفرت فذهنى المسأله
وسابتنى تايه فالسنين
معرفش أمته هحلها
قولت أمسك الفاس أزرعك
وأبدر زهور من كل لون على مخدعك
يمكن فيوم أقدر أغشك وأخدعك
وأبان كبير
صرختى خايفه مالورود
شوكها فمره يجرحك
والجرح على سنك خطير
لساك صغير
فوق سُطحى كات الشمس حمرا مدوره
والقش فارش تحتى توب
عيدانه كات متنطوره
والشمس فارده شعرها
كأنها نازله تتوب
عن فِعله سمتها الغروب
ولسه هغزل فالضفايروتبوح بكامل سرها
صرختى قولتى الشمس لأ
خايفه تصير عاشق خيوطها
خليك أسير لضلها
أصل أنت مش قد الهوى
مٌره كتير وأنت صبى
لساك صغير
وفضلت عايش فالصغر
وفضلت عايش فالصغر
رغم أن شعرى كله شاب
ونقش ملامحى فالكبر
لكنى منستش الكلام
صوتك مالكنى
لو حاولت أسرق سنين
جوه المنام
صحيح ملان بخطوط كتيروبارزه جدا للامام
لكنى ناعم كالحرير
ده لأنى ساكن جوه ضل
لسانى فى الواقع صغير
ماتوا الكبار
ماتوا الكبار
ودخل عليكى المعتدى
وعنيه على كل الورود
وعل الخيوط اللى فشمسك
بطق نار
قومتى وصرختى من جديد
ده لأنى واقف كالجليد
مرمتش نفسى عالعدا
ولا جبت أخر للمدى
رميتى يومها كتير تهم
ولفتينى بشال سواد
وسمتينى يومها عار
ضحكت جداا وقتها
والضحكه كات ممرره
الخوف ملكنى وشالنى نعش الذكريات
وحدفنى جو المهزله
مكنش أبدا مرحله
أصل ال عاش العمر
جوه حروف صغير
صعب أنه وقت المشكله
يكون كبير
ليست هناك تعليقات:
إرسال تعليق