طلعت النخل من صغرى
ودوقت عرق البلح مرات
وعمر السهل ما عرفنى
وصعب الكل فات دارهم
وفضل جوه حضنى يبات
أنا عنتر أنا الفارس
انا حسن الهلالى وقيس
انا راضى لحدوتك
أكون حارس
فعلى مهلك
انا عاشق دروب ليلك
ومش طالب اطول نورك
ولا طامع اعيش سهلك
فعلى مهلك
ما أصل السيف فتح عكا
وحرر م المداين ألف
لكن ف الحب بيتهجا
حروف أسمك
وورا ضلك
هوايته اللف
ومين على قلبه يوم يقدر
ومين لزمامه عرف يملك
فعلى مهلك
ليست هناك تعليقات:
إرسال تعليق